Martes, 3 de maio de 2022, cuarta sesión dos Seminarios bibliográficos do IEGPS 2022 titulada “San John Henry Newman: ensayo biográfico".
John Henry Newman (1801-1890) foi un eclesiástico e home de letras inglés do século XIX, que organizou e liderou intelectualmente o “Movemento de Oxford" na Igrexa de Inglaterra. As súas obras, entre as cales sobresaen os Tracts for the Times (1833-1841), University Sermons (1843), Essay on the Development on Christian Doctrine (1845) ou The Idea of a University (1858), instaron á súa profunda reforma relixiosa e influíron intensamente no mundo intelectual inglés e católico desde a décimo novena centuria ata a actualidade. Convertido ao catolicismo en 1843, foi ordenado sacerdote en Roma, fundando o Oratorio de Birmingham en 1848. Entre 1852 e 1853 trasladouse a Irlanda, onde foi elixido reitor da fracasada universidade católica de Dublín. Foi creado cardeal polo Papa León XIII en 1879. Morreu en 1890 e foi inhumado en Birmingham. O 13 de outubro de 2019 foi canonizado polo Papa Francisco.
Neste “ensayo biográfico”, Víctor García Ruiz, catedrático de Literatura da Universidad de Navarra e gran difusor en español da obra do prelado inglés, ofrece un documentado exame da vida e os intereses intelectuais de John Henry Newman no seu contexto histórico.
Este novo seminario web do IEGPS poderase seguir en liña, na plataforma ZOOM, mediante o seguinte enlace: https://us02web.zoom.us/j/82032151042?pwd=K2RUaHRnMnVkekZhVVQ1WDJoUmFZUT09.
