O próximo 28 de febreiro de 2024, ás 12.00 h., terá lugar no IEGPS o seminario de especialización titulado “A consciência ibérica na obra de D. Pedro, Conde de Barcelos” impartido por Maria do Rosário Ferreira e José Carlos Miranda.
Maria do Rosário Ferreira é profesora da FLUC, ademais de investigadora no SMELPS-IF. Licenciouse en linguas e literaturas modernas –variante de estudos portugueses e franceses pola FLUL en 1991; cursou o Master en literatura portuguesa e francesa medieval pola FCSH-Universidade Nova de Lisboa en 1996; e no ano 2006 doutorouse na FLUC coa tese “A lenda dos Sete Infantes: arqueologia de um destino épico medieval”.
Pola súa banda, José Carlos Miranda é desde 2023 profesor catedrático da FLUP, ademais de investigador no SMELPS-IF. Doutor en literatura portuguesa desde 1993, foi desde o ano 2005 ata 2022 profesor titular con agregación en estudos portugueses e románicos da FLUP. O Dr. Miranda está considerado como un dos maiores expertos en literatura medieval peninsular, en historiografía medieval, en materia artúrica e en poesía trovadoresca.
