O próximo 7 de abril de 2025 terá lugar no IEGPS a primeira sesión do segundo ciclo de seminarios denominados “Seminarios doctorales”, cuxo obxectivo é ofrecer ao público xeral os resultados das teses doutorais de temática afín ás liñas de investigación en curso no IEGPS defendidas nos dous últimos anos en calquera universidade ou centro de investigación, nacional ou estranxeiro. Desta maneira, os novos doutores poderán aproveitar o exercicio de defensa da súa tese doutoral e difundilo ás persoas interesadas nun ambiente máis sosegado. Esta primeira sesión titúlase “El clero parroquial en la diócesis de Salamanca durante la primera mitad del siglo XVIII” e será impartida polo Dr. Guillermo Díaz Bouzas.
Guillermo Díaz Bouzas é doutor en Historia pola Universidade de Salamanca, premio extraordinario de doutoramento 2024, coa tese “El clero parroquial en la diócesis de Salamanca en la primera mitad del siglo XVIII”, dirixida por Javier Francisco Lorenzo Pinar e codirigida por María José Pérez Álvarez. Actualmente é profesor interino no departamento de Historia, Arte e Xeografía da Universidade de Vigo.
A súa liña de investigación céntrase na historia social de la Iglesia, con especial énfase na socioloxía eclesiástica, as relacións de poder, a realidade material do estamento eclesiástico e as actitudes ante a morte.
Entre as súas publicacións cabe destacar, entre outras, os artigos “Una aproximación a las vacantes de los beneficios parroquiales en la Salamanca del XVIII (1700-1749)”, Historia Social. Fundación Instituto de Historia Social (UNED), 2025; “El clero parroquial en la diócesis de Salamanca en la primera mitad del siglo XVIII”, Anuario de Historia de la Iglesia. Instituto de Historia de la Iglesia (Universidad de Navarra), 2025; “La reforma beneficial en la diócesis de Salamanca”, Hispania Sacra. Instituto de Historia (CSIC), 2025; ou os capítulos de libro “Por el amor y cariño que le tengo…”. Clérigos y criados en la Salamanca del XVIII (1700-1764). Los entramados políticos y sociales en la España Moderna. Del orden corporativo-jurisdiccional al Estado liberal, Madrid, Fundación Española de Historia Moderna (2023), páxs. 1689-1701 o “La conflictividad en el clero secular salmantino en la primera mitad del siglo XVIII (1700-1749)”, Hacer Historia Moderna: líneas actuales y futuras de investigación, Sevilla, Comunidad de Madrid (España), Editorial Universidad de Sevilla, 2020, páxs. 696-712.
