O mércores, 8 de febreiro de 2023, celébrase unha nova edición dos seminarios técnicos de achegamento ao fenómeno dos "novos camiños xacobeos". Nesta ocasión, céntrase na exposición, a análise e o comentario das investigacións artísticas, cartográficas, etnolóxicas, xeográficas e históricas desenvolvidas sobre os itinerarios do "Camiño de San Rosendo" (que discorre desde o concello de Lobios até a cidade de Ourense) e a "Vía Künig" (que une o termo municipal de Pedrafita do Cebreiro coa cidade de Lugo).
