Esta mañá, 28 de abril de 2025, Patricia Martín Rodilla, científica titular do CSIC no IEGPS, impartiu, no colexio San Jorge de Santiago de Compostela, a conferencia titulada "La Ciencia de las Tecnologías de la Información y la Comunicación y tú" a escolares de 5º e 6º de Primaria (11-12 anos) no marco do "Día Internacional de las Niñas en las TIC (Tecnologías de la Información y Comunicación)".
O "Día Internacional de las Niñas en las TIC (Tecnologías de la Información y Comunicación)" que se celebra o 24 de abril, ten como obxectivo alentar ás nenas e mulleres novas a considerar a posibilidade de orientar os seus estudos e profesións ao campo das carreiras tecnolóxicas.
Patricia Martín Rodilla é Enxeñeira informática pola Universidad Pontificia de Salamanca e Doutora en Enxeñería Informática pola Universidad Politécnica de Valencia (2016), cunha tese especializada na análise de datos en Patrimonio Cultural e as súas posibilidades de aplicación en repositorios de humanidades (fondos históricos, arqueolóxicos e algúns corpus lingüísticos). Cunha fecunda traxectoria investigadora plasmada na súa participación en diferentes contratos e proxectos de investigación, estancias no estranxeiro e publicacións, desde o ano 2024 é Científica Titular do CSIC no IEGPS.
