Inscrición previa en: https://saco.csic.es/apps/forms/embed/AX8bnnzdt6tdFjbRrbKPtdg7
O vindeiro xoves 24 de abril de 2025, terá lugar o cuarto relatorio do “V ciclo de webinarios divulgativos del IEGPS: vidas medievales entre Galicia y Portugal” que será impartida polo noso compañeiro o Dr. Carlos Andrés González Paz (IEGPS – CSIC-Xunta de Galicia), titulada “San Rosendo: el báculo, el hábito, la pluma y la espada”.
Carlos Andrés González Paz doutorouse cum laude en Historia Medieval na Universidade de Santiago de Compostela coa tese O bispado de Mondoñedo na Idade Media: territorio, comunidade e poder, dirixida polo Dr. Carlos Baliñas Pérez (USC) e, na actualidade é Titulado Superior Actividades Técnicas e Profesionais no Instituto de Estudos Galegos Padre Sarmiento. Ademais, é investigador asociado do Centro de Estudos de Historia da Cidade da Universidade de Santiago de Compostela; investigador colaborador do Centro de Investigação Transdisciplinar «Cultura, Espaço e Memória» da Universidade do Porto; e membro do consello de redacción das revistas Cuadernos de Estudios Gallegos, de Editorial CSIC, e Rudesindus, da Academia Auriense-Mindoniense.
As súas liñas de investigación céntranse na organización socioeconómica da paisaxe medieval, a historia relixiosa (diocesana e monástica) da Galicia medieval, a historia social das mulleres na Galicia medieval, a socioloxía histórica da peregrinación e o Camiño de Santiago.
Entre as súas publicacións referidas ao tema do webinario cabe mencionar: O bispado de Mondoñedo na Idade Media: territorio, comunidade e poder, 2 vols., Santiago de Compostela, Editorial CSIC, 2019; Osorio Gutiérrez, o “conde santo” de Vilanova de Lourenzá, Lourenzá (Lugo), Concello de Lourenzá, 2009; “Cuatro ejemplos de fortificaciones altomedievales gallegas del siglo X: Castellum de Aranga, Castellum Minei, Castellum Berreti e Castellum de Citofacta”, en José Miguel Andrade Cernadas, Manuel Antonio Castiñeiras González, Francisco Singul Lorenzo (eds.), Rudesindus: “San Rosendo, su tiempo y su legado”, Santiago de Compostela, Xunta de Galicia, 2009, páxs. 359-368 e con Carlos Baliñas Pérez “De Mailoc a San Rosendo: los orígenes de la sede mindoniense”, en José Miguel Andrade Cernadas, Manuel Antonio Castiñeiras González, Francisco Singul Lorenzo (eds.), Rudesindus: la tierra y el templo, Santiago de Compostela, Xunta de Galicia, 2007, páxs. 30-51.
O webinario centrarase na figura de Rosendo Gutiérrez (907-977). San Rosendo foi un notorio intelectual, un destacado eclesiástico (bispo da sede dumiense-mindoniense, administrador apostólico do bispado iriense, monxe e abade de San Salvador de Celanova), ademais de diplomático, estratego político e caudillo militar ao servizo da coroa asturleonesa. Só mediante unha visión conectada de todas estas calidades e circunstancias lograrase mostrar e comprender as claves interpretativas do cursus honorum deste magnate da Galicia da Alta Idade Media.
A este cuarto webinario, titulado “San Rosendo: el báculo, el hábito, la pluma y la espada” seguiranlle os meses seguintes:
5 junio: Maria Cristina Cunha (Universidade do Porto), co título “Notários públicos galegos e portugueses e seus formulários. Alguns exemplos (1250-1350)”.
26 junio: César Olivera Serrano (CCHS — CSIC), co título “Intercambios sociales transfronterizos luso-castellanos (siglos XIV-XV)”.
17 de julio: Eduardo Pardo de Guevara y Valdés (IEGPS — CSIC-Xunta de Galicia), co título “D. Fernando de Castro y los suyos. Antes y después”.
Para cada uno de los webminarios se requiere inscripción previa en el siguiente formulario https://saco.csic.es/apps/forms/embed/AX8bnnzdt6tdFjbRrbKPtdg7
