O vindeiro martes, 26 de setembro de 2023, terá lugar no IEGPS o seminario de especialización titulado "La carabela San Lesmes: datos para la reconstrucción de su singladura" impartido por Luís Gorrochategui Santos.
Luís Gorrochategui Santos é licenciado en filosofía pola Universidad Central de Barcelona desde o ano 1987, ademais dun recoñecido historiador e escritor especializado na Monarquía Hispánica no século XVI. A súa obra Contra Armada, traducida ao inglés como English Armada, tivo repercusión internacional, facéndose eco a BBC, The Times e as principais revistas especializadas en inglés. Nela dá un envorco á imaxe tradicional do enfrontamento angloespañol de 1585 a 1604, ao poñer sobre a mesa a derrota da Contra Armada de 1589, que superou as perdas da chamada “Armada Invencible” e cambiou o signo da guerra.
Entre a súa amplísima obra cabe mencionar, entre outras: La guerra de la sirena. Nueva perspectiva de María Pita (El Arca de Papel, 2002); Contra Armada. La mayor catástrofe naval de la historia de Inglaterra (Ministerio de Defensa, 2011); La rebelión de los PIGS. La verdad oculta de la crisis y el saqueo del sur de Europa (E-Lector, 2013); English Armada. The Greatest Naval Disaster in English History (Bloomsbury Academic, 2018); Las derrotas inglesas en el Rio de la Plata. Victoria decisiva en Buenos Aires (Salamina, 2018); Contra Armada. La mayor victoria de España sobre Inglaterra (Crítica, 2020) y La carabela San Lesmes. El viaje más épico de la historia (Crítica, 2022).
É, así mesmo, directivo da Asociación de Estudios Históricos de Galicia e conselleiro histórico da Real Orden de Caballeros de María Pita. Recibiu a Medalla ao Mérito Cultural da Real Liga Naval Española (2014) e a Medalla de Batalla da Coruña (2023).
